Government at Work

SINIMULAN na ang pagsugpo ng kahirapan at pagpapaganda sa kalidad ng buhay ng mga katutubo sa malalayong lugar sa lungsod ng Antipolo, sa pamumuno ni Mayor Jun Ynares, sa isinagawang Convergence Building Zero Extreme Poverty PH 2030 seminar noong Hunyo 16, 2017 sa Antipolo City Hall.

TUMANGGAP ng cash assistance na nagkakahalaga ng P 460,000 ang mga street children at kanilang pamilya na miyembro ng Antipoleño Pamilyang Pilipino Sustainable Livelihood Program Association mula sa Pamahalaang Lungsod ng Antipolo, sa pamumuno ni Mayor Jun Ynares, katuwang ang Department of Social Welfare and Development (DWSD), noong Hunyo 19, 2017 sa ginanap na Flag Raising Ceremony sa Sumulong Park.

Si Mayor Jun Ynares, kasama ang kanyang may-bahay at kanilang dalawang anak, matapos ang pagtanggap sa prestihiyosong parangal na “Ulirang Ama Awardee 2017” mula sa Ulirang Ina Ama Awards Foundation, Inc sa isinagawang awarding ceremony, kasabay ng pagdiriwang ng Father’s Day, noong Hunyo 18, 2017 sa Manila Hotel.

GINANAP ang Antipolo City Reading Summit na may temang “Building Better Readers”, sa pangunguna ni Mayor Jun Ynares, katuwang ang City Planning and Development Office (CPDO) noong Hunyo 9, 2017 sa Hinulugang Taktak Hall kung saan pinag-usapan ang “State of the Reading Address” o estado ng kakayahang magbasa ng mga mag-aaral sa elementarya at sekondaryang paaralan sa lungsod.

Mainit na tinanggap ng Pamahalaang Lungsod ng Antipolo, sa pangunguna ni Mayor Jun Ynares, sina Mayor David Navarro at ang mga kasamahan nito sa munisipalidad ng Clarin, Misamis Occidental sa naganap na lakbay-aral hinggil sa “Enhancement of Suman Production” noong Mayo 16, 2017. Ito ay may kaugnayan sa Bottom-Up Budgeting (BUB) Project ng nasabing munisipalidad sa ilalim ng Department of Trade and Industry (DTI).

TUMANGGAP ng cash incentive ang mga Antipolenyong centenarians na nagkakahalaga ng P100,000 mula sa pamahalaang lokal, sa pangunguna ni Mayor Jun Ynares, katuwang ang Department of Social Welfare and Development (CSWD) sa ginawang pagkilala noong Mayo 8, 2017 sa Antipolo City Hall.

Si Mayor Jun Ynares habang nagbabahagi ng makabuluhang mensahe para sa 1,268 na nagsipagtapos sa kolehiyo mula sa University of Rizal System ng Antipolo, Angono, at Cainta sa isinagawang ika-16 na commencement exercises noong Abril 25, 2017 sa Ynares Center. Pinatunayan muli ng mga kabataang Rizalenyo na ang pag-aaral ay ang pinakamahalagang pamana ng kanilang magulang at sila pa rin ang mga pag-asa ng bayan.

Sa ginanap na Flag Raising Ceremony ng Rizal Provincial Government nitong Lunes ng umaga sa Ynares Center Complex, tinanggap ni Antipolo City Mayor Jun Ynares ang Seal of Good Local Governance (SGLG) mula sa Department of the Interior and Local Government (DILG).

SAMA-SAMANG nilabanan ng mga Antipolenyo ang sakit na AIDS (Acquired Immunodeficiency Syndrome) matapos ipagdiwang ang World AIDS Day mula sa pangangasiwa ng Pamahalaang Lungsod ng Antipolo, sa pangunguna ni Mayor Jun Ynares,  noong Disyembre 2, 2016 sa Our Lady of Fatima University (OLFU) – Antipolo Campus.

MAS pinalakas ang pinagsanib na pwersa ng Pamahalaang Lungsod ng Antipolo, kasama ang iba’t ibang sangay ng pamahalaan at mga sektor ng lipunan sa paglulunsad ng programang “Tayo Na Kontra Droga,” isang programang magwawakas sa paggamit at pagtutulak ng droga, mula sa matibay na direktiba at pagtugon ni Mayor Jun Ynares sa plataporma ni President Rodrigo Duterte.