Government at Work

HINDI natitinag si Mayor Jun Ynares sa pagpapairal ng malinis na pamahalaan at pamayanan mula sa patuloy nitong pagmamando sa pagsasagawa ng random drug test sa lungsod. Kamakailan nitong Setyembre, nagkaroon ng random drug test sa mga opisyales ng Bureau of Jail Management and Penelogy (BJMP)-Antipolo kung saan isa sa mga ito ang nagpositibo na gumagamit ng drograng methamphetamine o mas kilala bilang shabu.

MAS pinagtibay ang ugnayan ng Meralco at ng Pamahalaang Lungsod ng Antipolo, sa pangunguna ni Mayor Jun Ynares, matapos lagdaan ang Memorandum of Understanding (MOU) sa Antipolo City Hall noong Oktubre 18, 2016. Layon nitong ma-isapormal ang kasunduan sa pagitan ng dalawang panig na nakatuon sa mga programa na nagbibigay ng kuryente sa mga komunidad, kahandaan sa mga kalamidad, energy and environmental conservation, stratehiya sa urban planning on energy requirements, at iba pang mga proyekto.

PINANGUNAHAN ng Pamahalaang Lungsod ng Antipolo, sa pamumuno ni Mayor Jun Ynares, ang pagdiriwang ng ika-21 na convention ng Barangay Health Workers (BHWs) Federation of Rizal na ginanap sa Ynares Center noong Oktubre 20, 2016. Nagtipun-tipon ang humigit kumulang na 1,500 BHW kasama ang mga doktor at mga kagawad na kumakatawan sa kani-kanilang bayan, upang maibahagi ang mga proyekto at programang nasimulan na at ipagpapatuloy pa para sa mamamayan ng Rizal.

NAPUNO ng libu-libong guro ng Antipolo City ang Ynares Center sa pagdiriwang ng World Teachers’ Day na may temang “Gurong Antipoleño Kabalikat sa Pagbabago” noong Oktubre 3, 2016  kaisa ang Pamahalaang Lungsod ng Antipolo. Namigay ang pamahalaang lokal, sa pamumuno ni Mayor Jun Ynares, ng halos P100,000 na cash prizes sa mga gurong nagwagi mula sa iba’t ibang patimpalak at palaro.

HALOS P 150,000 halaga ng wheelchairs ang ipinamahagi ng Pamahalaang Lungsod ng Antipolo, sa pangunguna ni Mayor Jun Ynares, para sa mga senior citizens ng lungsod. Kasabay din nito, tinanggap ng mga batang may kapansanan ang kanilang wheelchairs mula sa pamahalaang lokal katuwang ang Philippine Band of Mercy, sa ginanap na Monday Flag Raising Ceremony noong Oktubre 17, 2016 sa Sumulong Park.

INULAT sa naganap na Regional Peace and Order Council (RPOC)-4A na umabot na sa halos 80,000 ang bilang ng mga sumuko at inarestong drug users at pushers sa CaLaBaRZon simula Hulyo hanggang Setyembre.

HALOS P80,000 na insentibo ang ipinagkaloob ng Pamahalaang Lungsod ng Antipolo, sa pamumuno ni Mayor Jun Ynares, sa 50 Persons with Disability (PWD) Athletes kasama ang kanilang mga coaches sa ginanap na Monday Flag Ceremony noong Agosto 22, 2016 sa Sumulong Park. Nag-uwi ng 36 medalya ang mga manlalaro na lumahok sa 5th Philippine Sports Association for the Differently Abled (PHILSPADA) National Paralympic Games.

PANIBAGONG batch ng mga drug users at pushers ang boluntaryong sumuko sa Antipolo City Government, katuwang ang Antipolo Philippine National Police (PNP), noong Agosto 18, 2016 sa Antipolo City Hall kaugnay sa pinaigting na OPLAN Tokhang ng administrasyong Duterte. Mula Hulyo 1 hanggang Agosto sa kasalukuyang taon, pumalo na sa mahigit 1,200 ang bilang ng mga sumukong indibidwal na sangkot sa droga sa lungsod.

NAKATUTOK ang Office of Public Safety and Security (OPSS) ng Pamahalaang Lungsod ng Antipolo sa pagmamatyag sa mga lugar kung saan sinasabing talamak ang bentahan o paggamit ng iligal na droga sa lungsod alinsunod sa direktiba ni Mayor Jun Ynares na tulungan ang awtoridad sa pagsuplong nito.

HANDANG sagutin ng Pamahalaang Lungsod ng Antipolo, sa pangunguna ni Mayor Jun Ynares, ang pagpapa-rehab sa mga drug users na kabilang sa mahigit 500 drug users at pushers na sumuko kamakailan. Lumobo na ang bilang ng mga sumukong residente na sangkot sa droga simula nang magbaba ng utos si Pangulong Rodrigo Duterte sa mga pamahalaang lokal ukol sa mahigpit na pagbabantay at pagsugpo sa droga at krimen.