Government at Work

Pormal nang pinasinayaan ang Antipolo City Hospital System Annex III, ang pinakabagong pampublikong pagamutan sa lungsod nitong nakaraang Biyernes, Marso 4, 2016. Mismong si Antipolo City Mayor Jun Ynares ang namuno sa ribbon-cutting ceremony kasama ang iba pang kasalukuyan at nakalipas na mga pinuno ng Lalawigan ng Rizal tulad ni dating Rizal Congressman Gilberto Duavit, Antipolo 1st District Congressman Robbie Puno at Antipolo 2nd District Congressman Romeo Acop.

NATUWA ang mga residente ng Barangay Mayamot at San Roque na nakatanggap ng libreng check-up at dental services sa ginanap na Medical at Dental Mission mula sa Pamahalaang Lungsod noong Pebrero 13 at 14, 2016. Ito ang pang-apat na medical at dental mission na naisagawa ngayong buwan ng Pebrero.

Mayroon na namang 32 na bata ang nahandugan ng “Libreng Operasyon Bingot” ng Pamahalaang Lungsod ng Antipolo sa pamumuno ni Mayor Jun Ynares katuwang ang Philippine Band of Mercy (PBM) na ginanap noong Pebrero 6, 2016 sa Antipolo City Hospital System Annex I sa Brgy. Dela Paz.

NAMAHAGI ang Pamahalaang Lungsod ng Antipolo, katuwang ang Operation Blessing Foundation (OBF), ng libreng wheelchairs sa mga residente na PWD (Persons-With-Disabilities). Ginanap ang malakihang paghahandog sa pangunguna ni Mayor Jun Ynares noong Enero 29, 2016 sa Sumulong Park. Ikinatuwa ng mga PWD ang pamimigay ng 33 wheelchairs, 2 saklay at isang stroller.

NAMAHAGI ang Pamahalaang Lungsod ng Antipolo, katuwang ang Technical Education and Skills Development Authority (TESDA) at ang AGBIAG Party List, ng libreng sewing machines sa bawat nagsipagtapos na 34 dressmaking iskolars sa naganap na Graduation Ceremony noong Enero 20, 2016 sa Antipolo City Hall.

Ilag nang gumawa ng katiwalian ang mga kawani ng Antipolo City kung kaya’t wala ng “fixers” na kumakalat sa idinadaos na Business-One-Stop-Shop (BOSS) ng pamahalaang lokal. Sa mga isinagawang entrapment ng lungsod katuwang ang Antipolo PNP noong nakaraang taon, natiklo at napatawan ng kaukulang parusa ang mga empleyadong huli sa aktong nangingikil ng lagay mula sa mga kliyenteng nagreklamo mismo sa opisina ni City Mayor Jun Ynares.

Antipolo City Mayor Jun Ynares visits the patients of the newly opened Antipolo City Hospital System – Annex II, the city’s second public hospital in Barangay Dalig. Meanwhile, the city’s third hospital in Sitio Cabading is expected to fully operate in March and its fourth hospital in Barangay Mambugan is soon to rise this early this year. Mayor Ynares promised the residents of Antipolo four hospitals in his first term to ensure accessibility to quality and affordable healthcare services.

Pormal nang binuksan sa mga residente ng kabayanan ng Antipolo City ang pangalawang pampublikong ospital ng lungsod noong Enero 8, 2016 sa pangunguna ng pamahalaang lokal. Ang Antipolo City Hospital System-Annex II (ACHS-Annex II), ang dating Regalado Hospital, sa may Barangay Dalig ang pangalawa sa mga katuparan na ipinangako ni Mayor Jun Ynares na mabiyayaan ng apat na ospital ang mga Antipoleño sa unang termino pa lamang ng kanyang panunungkulan bilang alkalde.

Matagumpay na ipinagdiwang ng Pamahalaang Lungsod ng Antipolo ang Urban Poor Solidarity Fest 2015 na dinaluhan ng halos 1,000 katao mula sa Urban Poor Community Association sa lungsod kaisa ng temang “Maralitang Taga-Lungsod: May K ka sa Tuwid na Daan, Kakayahang Umunlad, Kahalagahan sa Lipunan, Karapatan Bilang Mamamayan Kasali sa Malawakang Pag-unlad.” Ginanap ang malaking pagsasaya sa Ynares Center noong nakaraang Disyembre katuwang ang Urban Settlement & Development Office (USDO).

Mahalaga kay Mayor Jun Ynares ang kalusugan ng bawat mamamayan dito sa Lungsod ng Antipolo. Kaya naman patuloy ang pagbibigay ng Libreng Medikal, Dental at iba pang serbisyong pangkalusugan ng ating mahal na Mayor Jun Ynares at sina Ka Pining Gatlabayan at myembro ng Sangguniang Panglungsod.