Latest News

ALINSUNOD sa hangarin ni Mayor Jun Ynares na mas palawakin pa ang kaalaman at kamalayan ng mga Antipoleño ukol sa paghahanda sa mga sakuna at kaugnay ng pagdiriwang ng National Disaster Consciousness Month, naglunsad ng Seminar-Workshop ang Barangay San Isidro katuwang ang City Disaster Risk Reduction and Management Office (CDRRMO), Rescue 274, at Philippine Society of Emergency Medical Technicians (PSEMT) noong Hulyo 23-25, 2016 sa mga nasasakupang lugar ng barangay. Nagpamahagi rin ng mga booklet na naglalaman ng mga pangunahing impormasyon sa mga paghahandang isinasagawa tuwing may sakuna o kalamidad.

MAS pinaigting ng Pamahalaang Lungsod ng Antipolo, katuwang ang City Health Office (CHO), ang kaalaman sa rabies at paghahanda sa mga sakuna ng mga Antipoleño matapos magsagawa ng “Health and Emergency Management and Rabies Control Program Seminar” sa Antipolo City Hall noong Hulyo 8, 2016. Layunin ng seminar na palawigin ang kaalaman ng mga Antipoleño tungkol sa panganib na dulot ng kagat ng hayop na may rabies gayundin ang wastong paghahanda sa panahon ng sakuna.

TINUTUKAN ng Pamahalaang Lungsod ng Antipolo ang pagsasaayos ng daloy ng trapiko sa Marcos Highway sa isang pagpupulong na ginanap sa Antipolo City Hall noong Hulyo 7, 2016. Naging sanhi ng nakakaabalang trapiko ang kasalukuyang ginagawang LRT Line 2 extension mula Santolan hanggang SM Masinag.

ISINUSULONG ang paglalaro ng sports ng Pamahalaang Lungsod ng Antipolo, sa pamumuno ni Mayor Jun Ynares, katuwang ang City Youth and Sports Development Office (CYSDO) bilang mabisang paraan upang ilayo ang mga kabataan sa pagkalulong sa masamang bisyo gaya ng alak at droga.

PINAGYABONG ng Pamahalaang Lungsod ng Antipolo ang kaalaman ng mga negosyante hinggil sa responsableng pag-iingat ng kayamanan ng kooperatiba upang maiwasan ang pagkalugi nito sa ginanap na Seminar on Internal Control mula Hulyo 5-8, 2016 sa Hamaka Hall, Antipolo City Hall.

HALOS 100 rugby boys ang sinagip ng Pamahalaang Lungsod ng Antipolo, sa ilalim ng direktiba ni Mayor Jun Ynares, sa mas pinaigting na “Lingap Kabataan sa Lansangan” sa bawat barangay sa buong buwan ng Hunyo. Mas pinagtibay pa ang rescue operation ng lungsod bilang pagsuporta sa panukala ni President Rody Duterte ukol sa pagsugpo sa droga at krimen.

Nailigtas ng Pamahalaang Lungsod ng Antipolo, sa pangangasiwa ng City Social Welfare and Development Office (CSWD) ang 27 kabataang nasangkot sa iba’t ibang uri ng karahasan mula Enero hanggang Mayo ngayong taon. Sumailalim ang lahat ng mga kabataan sa counseling habang nanunuluyan sa Kanlungan ng Kabataan Village sa Brgy. Dela Paz.

NAKIISA sa pagdiriwang ng World Population Day 2016 ang Pamahalaang Lungsod ng Antipolo, sa pangunguna ni Mayor Jun Ynares, katuwang ang City Health Office (CHO) sa pamamagitan ng pagsasagawa ng seminar na pinamagatang “Babaenihan” sa San Jose National High School noong Hulyo 11, 2016. Layunin ng seminar na paigtingin ang lakas ng kababaihan at isulong ang pantay na karapatan ng babae at lalaki sa lipunan gayundin ang maiwasan ang maagang pagbubuntis, diskriminasyon at pang-aabuso.

The public will be treated to a grand Pyromusical Exhibition and Kids’ Show in Antipolo City, in commemoration of the country’s harmonious relationship with Japan, on July 9 at 5 PM to be held on the grounds of Ynares Center, Brgy. San Roque, this city. Antipolo City government ties-up with Japan Embassy to make this occasion momentous as the country celebrates Philippines-Japan Friendship Day designated on July 23.

Nakibahagi sa Tree Planting Activity ng Rizal Provincial Government ang Pamahalaang Lungsod ng Antipolo, sa pamumuno ni Mayor Jun Ynares, katuwang ang City Environment and Waste Management Office (CEWMO), noong Hunyo 11, 2016 sa Boso-Boso Riverbanks, Brgy. San Jose.