Latest News

NAGKAISA ang daan-daang Antipoleño sa muling pagdaraos ng AIDS Hour sa lungsod sa pangunguna ng pamahalaang lokal na ginanap sa Sumulong Park noong Mayo 13, 2016. Naging tampok sa pagdiriwang ang “Candle Lighting” na sumisimbolo ng pagsuporta para sa lahat ng may sakit na Acquired Immune Deficiency Syndrome (AIDS) at Human Immunodeficiency Virus (HIV) kasabay na rin ang paggunita sa mga yumao dahil sa sakit na ito.

NAGING maaksyon ang kauna-unahang Mayor Jun Ynares Kyokushin Kai-Kan Cup Full Contact Karate Championship hatid ng Pamahalaang Lungsod ng Antipolo na ginanap sa Sumulong Park noong Mayo 14, 2016. Dinaluhan ng mga Kyokushin practitioners mula sa iba’t ibang bansa ang paligsahan na may layong maipakilala at maipalaganap sa buong bansa ang  Kyokushin, isang uri ng karate.

IDINAOS ang 3-day Seminar on Basic Accounting for Non-Accountants sa pangunguna ng Pamahalaang Lungsod ng Antipolo, katuwang ang City Cooperative and Livelihood Office (CCLO), noong Mayo 24-26, 2016 na ginanap sa  Hinulugang Taktak Hall, Antipolo City Hall. Dinaluhan ng 27 kooperatiba ang seminar na may pangunahing layunin na maituro ang konsepto at proseso ng accounting sa mas simple at praktikal na pamamaraan. 

Katakam-takam ang ginanap na Innovated Suman sa Ibos Cooking Demo kasabay ang Fastest Magtatali ng Suman na handog ng Pamahalaang Lungsod ng Antipolo bilang bahagi ng Maytime Festival na ginanap sa Vista Mall noong Mayo 14, 2016. Layon ng programa na dagdagan ang kaalaman ng lahat sa suman na isa sa mga pangunahing produkto ng lungsod.

Pinatunayan ng 20 kandidata na wala sa kasarian ang tunay na kagandahan sa ginanap na Coronation Night ng Queen of Antipolo, isang programa mula sa Pamahalaang Lungsod ng Antipolo na ginanap noong Mayo 14 sa City Market of Antipolo (CMA) Parking Area.

Matapos ang 4 na taon, sinintensiyahan ng Regional Trial Court  Branch 92 ng Calamba City ng habambuhay na pagkabilanggo ang pangunahing suspek na si Lester Ivan Rivera, dating security guard sa Los Baños, sa paggahasa at pagpatay sa University of the Philippines Los Baños (UPLB) student na si Given Grace Cebanico noong taon 2011.

Nagtagisan ng galing sa musika at pagtugtog ang 15 amateur bands sa ginanap na Musiclaban 2016 sa pangunguna ng Pamahalaang Lungsod ng Antipolo, katuwang ang Antipolo City Culture, Arts and Tourism Promotions Office (AnCCATPO) sa Sumulong Park noong Mayo 5, 2016.

LIBO-LIBONG mag-aaral ng mga pampublikong paaralang elementarya ang nakatanggap ng libreng Dengue Vaccination ng Pamahalaang Lungsod ng Antipolo, sa pamumuno ni Mayor Jun Ynares, noong April 25-29, 2016 upang maiwasan ang pagsisimula ng Dengue Outbreak sa mga paaralan.

MATAGUMPAY na nag-uwi ng mga medalya ang mga Antipoleñong atleta na nakilahok sa Palarong Pambansa sa suporta ng Pamahalaang Lungsod ng Antipolo na ginanap noong April 10-16, 2016 sa Albay Sports and Tourism Complex, Albay Province kung saan nakuha ng CALABARZON ang 2nd rank sa pangkalahatang paligsahan.

Naging tradisyon na sa lungsod ng Antipolo ang “Alay Lakad” tuwing bisperas ng buwan ng Mayo bilang pagsalubong sa Pilgrimage Season kung saan milyung-milyong deboto at turista ang umaahon sa lungsod sa buong buwan ng Mayo upang magbigay pugay, pasasalamat at humiling sa milagrosang Birhen ng Kapayapaan at Mabuting Paglalakbay. Katulad ng nakagawian, umabot sa libo-libong deboto mula sa iba’t ibang lugar ang matiyagang naglakad mula sa Quiapo Church patungong Antipolo Cathedral noong Abril 30, 2016.