Latest News

DINAGSA ng halos 2,000 na job seekers ang idinaos na Job Fair ng Pamahalaang Lungsod ng Antipolo, sa pamumuno ni Mayor Jun Ynares, katuwang ang Public Employment Services Office (PESO) noong Abril 20, 2017 sa Robinsons Place Antipolo. Layunin ng programa na may temang “Tayo na Antipolo: Bawat Antipoleño, Pwedeng Magkatrabaho” na ilapit ang oportunidad sa mga residente ng lungsod.

Tayo na at makibahagi sa pinakamalaking pagdiriwang sa ating lungsod, all roads lead to Antipolo simula ngayong April 30 kaya yayain na ang lahat, tara na at makisaya sa Antipolo Maytime Festival 2017.

ISANG malaking selebrasyon na naman ng pag-ibig ang ginanap sa Antipolo kung saan 163 na pares ang nagpalitan ng “I Do” sa libreng Kasalang Bayan ng Pamahalaang Lungsod ng Antipolo, sa pamumuno ni Mayor Jun Ynares, noong Abril 19, 2017 na ginanap sa Multi-Purpose Covered Court ng Barangay Sta. Cruz.

NDRRMC Mobile App "BATINGAW" is a DRRM Information, Education, and Communications platform mobile application software developed in partnership with the Office of Civil Defense (OCD) and Smart Communications, Inc. to provide the culture of preparedness and pro-activeness among users.

NAGBUKAS na ang pinakahihintay na Sports Hub sa lungsod ng Antipolo, sa pamumuno ni Mayor Jun Ynares, katuwang ang opisina ni Cong. Cristina “Chiqui” Roa-Puno, sa ginawang blessing at inauguration noong Marso 29, 2017 sa Barangay San Isidro. Isa ito sa mga hakbang ng pamahalaang lokal upang maiiwas ang mga kabataan ng lungsod sa droga at iba pang masamang bisyo sa pamamagitan ng pagbibigay ng lugar para kanilang gamitin sa paglalaro ng basketball, volleyball, badminton at iba pa.

MATAGUMPAY na isinagawa ng mga kawani ng Pamahalaang Lungsod ng Antipolo, sa pamumuno ni Mayor Jun Ynares, ang National Simultaneous Earthquake Drill (NSED) na ginanap noong Biyernes, Marso 31, 2017. Sa pangunguna ng City Disaster Risk Reduction and Management Office (CDRRMO) at sa pakikipagtulungan ng Bureau of Fire Prevention (BFP), sama-samang nag-duck, cover and hold ang mga empleyado ng Antipolo City Hall patungo sa Sumulong Park na siyang itinakdang assembly area para sa naturang shake drill.

Kinilala ng Pamahalaang Lungsod ng Antipolo, sa pangunguna ni Mayor Jun Ynares, ang mga kabataang Antipolenyong nag-uwi ng parangal para sa lungsod sa larangan ng baseball at softball, sa naganap na Monday Flag Raising Ceremony noong Abril 3, 2017 sa Sumulong Park.

SUMAILALIM sa orientation ang halos 900 mag-aaral na benepisyaryo ng Special Program for Employment of Students (SPES) ng Pamahalaang Lungsod ng Antipolo, sa pamumuno ni Mayor Jun Ynares, noong Marso 29-30, 2017 sa Hinulugang Taktak Hall. Pinangasiwaan ng Department of Labor and Employment (DOLE) at Public Employment Service Office (PESO) ang naturang orientation na may layuning mas maunawaan ng mga mag-aaral ang SPES program.

HANDANG-HANDA na ang Pamahalaang Lungsod ng Antipolo sa pagdagsa ng tinatayang 6 na  milyong deboto na makikiisa sa nalalapit na Alay Lakad na gaganapin sa Abril 13, 2017. Nakipag-ugnayan ang pamunuan sa mga Non-Governmental Organizations (NGOs), Antipolo-Philippine National Police (PNP) at civic organizations upang matiyak ang seguridad at kaayusan sa paggunita ng Semana Santa.

BUMIDA ang mga sikat na karakter ng Pinoy “Komiks” gaya nina Darna, Captain Barbell, Ang Panday, Machete at Dyesebel sa ginanap na Grand Float Parade Competition ng Pamahalaang Lungsod, sa pamumuno ni Mayor Jun Ynares, noong Abril 8, 2017 sa pagdiriwang ng ika-19 Anibersaryo ng Pagiging Lungsod ng Antipolo.