Latest News

NAGHANDOG ng “Special Movie Screening for the Blind and Deaf” ang Pamahalaang Lungsod ng Antipolo, sa pamumuno ni Mayor Jun Ynares, katuwang ang SM City Masinag para sa halos 100 na bata at matandang may kapansanan o Persons with Disability (PWD) na ginanap sa Cinema 1 ng naturang mall noong Agosto 1, 2017.

Tagumpay ang naging pagpupulong sa pagitan ng mga kawani ng Pamahalaang Lungsod ng Antipolo, sa pamumuno ni Mayor Jun Ynares, at ng Department of Environment and Natural Resources IV -Provincial Environment and Natural Resources Officer (DENR IV– PENRO), sa pangangasiwa ni PENR Officer Eleazar Alaira, sa isinagawang pagpupulong tungkol sa Strengthening Urban Resilience for Growth with Equity (SURGE) noong Hulyo 19, 2017 na ginanap sa Antipolo City Hall.

NATANGGAP kamakailan ng Brgy. Mayamot Senior Citizen Association (BMSCA) sa lungsod ng Antipolo ang halagang P171, 600 mula sa nalikom na salapi ng programang “HANDOG: Musika, Saya, Atbp” kung saan pinangasiwaan ng Barangay Mayamot Council at Society of Catholic Communities in Action (SCCA) ang paghahandog ng cash check noong Hunyo 27, 2017 sa Mayamot Elementary Covered Court. Layon ng aktibidad na matulungan ang mga nakatatandang miyembro ng komunidad, gayundin ang paglulunsad ng mas marami pang programang tutungon sa kanilang mga pangangailangan.

Bilang katibayan sa magandang relasyon at malakas na tiwala ng mga investors sa Lungsod ng Antipolo, sa pamumuno ni Mayor Ynares, isinagawa kamakailan ang blessing ng bagong Yakult Depot sa Evergreen Subd., Brgy. San Roque noong Hulyo 11, 2017.

OPURTUNIDAD na makapagtrabaho sa ibang bansa ang natanggap ng mga jobseeker sa Lungsod ng Antipolo, sa pamumuno ni Mayor Jun Ynares, sa isinagawang Special Recruitment Activity (SRA)  sa ilalim ng temang “Sa Bawat Bahay May Hanap Buhay” noong Hulyo 12, 2017 na ginanap sa Gender Advocacy Development (GAD) Center.

MAS PINATIBAY ng Pamahalaang Lungsod ng Antipolo, sa pamumuno ni Mayor Jun Ynares, ang pagkakaisa ng Rizal League of OSCA Heads (RILOH) sa isinagawang buwanang pagpupulong ng mga Office of the Senior Citizen’s Affair (OSCA) Head kung saan kanilang binigyang linaw ang mga responsibilidad ng mga miyembro ng iba’t ibang OSCA sa lalawigan ng Rizal gayundin ang kanilang benepisyong natatanggap.

Nagbukas ng bagong Materials Recovery Facility (MRF) ang Pamahalaang Lungsod ng Antipolo, sa pamumuno ni Mayor Jun Ynares, katuwang ang City Environment and Waste Management Office at Department of Education-Antipolo, sa isinagawang launching ng Sumilang Elementary School ng kanilang sariling MRF at “Gulayan sa Paaralan” noong Hulyo 14, 2017.

TAOS puso ang kasiyahan ng mga estudyanteng nakiisa sa pagdiriwang ng National Children’s Book Reading Day (NCBRD) sa lungsod ng Antipolo dahil sa iba’t ibang makukulay at kapana-panabik na istoryang kanilang narinig mula sa mga kawani ng pamahalaang lokal at pribadong kumpanyang nagbasa ng mga librong pambata noong Hulyo 18, 2017 sa SM Masinag.

NABIGYAN ng bagong pag-asa ang 26 drug surrenderers na nagtapos sa Muntindilaw Community-Based Rehabilitation Program (MCBRP) ng Pamahalaang Lungsod ng Antipolo na ginanap noong Hulyo 16, 2017 sa Brgy Muntindilaw, Antipolo City. Ito ang kauna-unahang Graduation Exercise ng CRBP sa barangay na may layon na ipakita sa lahat na ang pagbabago at pagliligtas sa mga nalulong sa masamang droga ay posible.

Sa pamumuno ni Mayor Jun Ynares, katuwang ang Barangay Sta. Cruz sa ilalim ng liderato ni PB Oscar T. Tamayao, naisagawa ang unang Job Fair noong Hulyo 15, 2017 na ginanap sa Barangay Covered Court na pinangasiwaaan naman ng Public Employment Services Office (PESO) sa pangunguna ni Ms. Maria Fe B. Iquin.